Text in Woord un Schrift: Herma Peters, Auerk

Elke Minsk hett dat Recht up sien eegen un besünner Ofscheed, nettgliek wat he glöövt hett of wat daarto föhrt hett, dat he stürven is. De Trüürfier för disse Minsk, de Se leev hatt hebben of todahn wassen, besünners un eenzig maken, daarbi stah ik Hör an d` Sied. In een Trüürreed, Grafftreed of Trüürandacht leve Minsken na hör Dood mit Worden to achten un daarmit de to stöhnen, de achterlaten worden, liggt mi an `t Hart. Daarum holl ik freje Trüürreden. Mitnanner willn wi uns daarup besinnen, wat Se all Moois mittnanner beleevt hebben, waarför Se dankbaar sünd. Dat besünner is, dat ik en Trüürreed ok in d`plattdütske Spraak holl.